◕◡◕
مشروع أسـاســات Foundation
المشروع بيـبدأ فى الترم التانى
شغل المشروع بينقسم الى
تلت فى الدراسـه - و تلتين الشغل بعد الامتحانات فى الاجازه
مشروع الاساسات عباره عن 4 تاسكــات
1- Geotechnical Report
وده عباره عن كل تطبيقات ال تربه
2-3 Design
مش هنصمم هنــا خرسانات .. لكل هصمم المشروع بتاعىنا على حسب طبقات التربه ومدى تأثريهــا على التصميم .
وهنا بتختار كذا مشروع تصممهم على حسب اختيارك والدكتور اللى معاك .
4- Management
هاعمل ..دراسه للمشروع بتاعى واشوف ايه الشغل اللى يبدا الاول وايه اللى يبدأ التانى ، وممكن هنا تحتاج لمساعده اصحابك من
مشروع مانجمنت وهنحسب هنا بردوا تكلفه المشروع من بدايته لحد نهايته .
الشغل فى المشروع ده فى مجــموعـات فى حدود 4 اشخــاص .
عندى متابعتين فى الاسبوع مع الدكتــور بمتوسط فى المره ساعة نقعد نسال الدكتور فى اى مشكله عندنــا و يراجع معانا على كل سطــر فى المشروع يعنى مافيش مجال لضرب او فبركه اى حاجه .
كل تاسك من ال 4 تاسكات اللى اتكلمنـا عنهم بيبقى عليها جزء من الدرجه بالتساوى .
وبعد ما بنخلص كل المشروع بنسـلم Final Document
قبل معاد المناقشه ب 3 ايام .
المناقشه بقى عليها الباقى من الدرجه بتعتمــد بشكل اساسى على مهارات فى عرض شغلك .
وهنا كل واحد من الجروب اللى اشتغل مع بعضه بيتقيم لوحــده .
وبتعمل برزنتشين قدام كل استاف التدريس وزمايلك فى نفس المشروع من المجموعات التانيه
كل واحد بيقعد 5 دقايق .. يعرض فيها المعلومــات
وهنــا بتبان شطاره كل واحده ومهاراته فى العرض
المناقشه بيبقىى فيها دكاتره من بره الكليه طـبعــا
فى المــشروع :هنخرج بره الاطار التعليمى والدراسى
مافيش حاجه اسمها ..مااخدتهاش مش شرط تكون دارست كل حاجه ..المهم يكون التصميم سليم
المهــارات الاساسيه اللى لازم تبقى عندى قبل ما اخد مشروع زى ده
AutoCad , SAB , EXCL
◕◡◕
مشروع طرق ومطـارات
المشروع هيبقى جزئين
High-way
Airport
الموضوعيين سهلين جـدا
مشروع الطرق ده يعتبر مناره مدنى
بس لازم تبقى عارف ان النقل والمرور اللى بناخدها دى مش هى خالص اللى هناخدها فى رابعه ..ولا شبه المشروع دى ماده مجرد بتفتح الباب ادامنـا بس
المهارات الاساسيه اللى لازم تبقى
ابقى كويس جــداً جــداً فى
AutoCad
واعرف شويه فى
Civil 3D
ده برنامج شبه الكاد ..وبعد مابرسم بيعمل بروفايلات
3D
للقاطاعات الطريق المختلفه
لازم ابقى بفهم فى ماده الطرق بتاعت سنه رابعه كويس رغم انا فيها حتت تقيله وصعبه
الا ان غير كــده الماده سهله
◕◡◕
مشروع اداره مشروعات Management
مــبدئـياً - المـشروع تقيل وشغله كــتير
لازم قبل ما تختاره تقعد مع نفسك ..وتشوف هاتقدر على شغله ولا لا
هيعتمــد بشكل اساسى .. انك هتعرف تجيب مشــروع ولا لا ؟؟
لان انت هتعمل مشروع حقيقى باسعـار حقيقيه ومافيش طبعا شركات بتطلع cost
بتاعها لاى حد كده ..لانها ممكن تضرب .
فدى مشكله ..لازم تبقى عارف حد يقدر يساعدك فيها قبل ما تختار المشروع .
المشـروع ده لا يحتمل ان الجروب يبقى بنات مع اولاد
لان بعيداً عن الجزء الشرعى فيها ان الشغل كتــير جداً لدرجه اننا وبيحتاج التجمع باستمرار .
ووجود بنات مع ولاد هيخلى الجروب مرتبط بمواعيد للشغل او ان فى ناس تشتغل وناس تانيه لا والمشــروع مش هينفع فيه كـده خالص ، ولازم اعضاء الجروب الواحد يكونوا مع بعض اطول فترة ممكنة .
المشروع ده هتشوف فى مواضيع مختلفه تماماً عن الماده اللى اخدنها فى سنه تانيه
يعنى المواضيع جديده خالص
الشغل فى المشروع
=============
مجــموعات
من (4-5)اشخـاص
ومعانا دكاتره فى المشروع ده للمتابعه
المهارات المطلوبه للمشروع
بتعرف تشتغل برامج زى
primavera
مهارات للتقديم وعرض المعلومـه بشكل وهمـى
لان الشغل كـتيـر جـدا مطالب انك تعرضه فى وقت محدودسواء فى المتابعات مع الدكتور
او فى المناقشه .
وهتلاقى ان المشروع عباره عن 15 توبيك المفروض تقدمهم فى ربع ساعه .
اعمل حسابكوا ان ضيوف المناقشه ناس هتبقى جامده
يعنى رئيس قطاع الانتاج فى شركه رئيس شركة مقاولات .
وتقديم مشروع محترم بشكل كويس هيفرق معاك فى السوق بعد كـده
◕◡◕
مشـروع استيل STEEl
اللوح فى المشروع ده قليله جـداً
شبه مشروع الخرسانه فى تقله واهميته بس ميزته ان بتاع الخرسانه مابيفهمش ستيل أوى ..زى صاحب مشروع الاستيل
المـشروع مش سهل ولا صعب .. هو متوسط
المهارات الاساسيه اللى لازم تبقى عندى
اعرف اشتغل على
Autocad , SAb , EXCL
واكـون مراجع منهج تالته مدنى
محاضره المشروع اللى هتبقى مره كل اسبوع هنتعلم فيها كل حاجه بالتفصيل
وشغل المشروع هيبقى شهر قبل الامتحـان وشهر بعد الامتحانات
مش هيطلب منى حاجه فى المشروع بعينها أنا اللى هاعمل كل حاجه .. وما على الدكتو رالا انه يقول ده صح ولا غلط وطبعا الدكاتره فى المتابعات بتاعت كل اسبوع ..هيبقوا معانا خطوه بخطوه
اهم حاجه فى مشروعك اللوح ..رغم انها مش كتير الا ان الدكتور لما يمسك اللوحه ..مافيش مجال ان يبقى فيها حاجه مش مظبوطه
المناقشه هتم مع اتنين دكاتره واحد منهم من بره الكليه
وغالبا دكاتره الكليه بتظبتنا اوى فى المناقشات وبتساعدنا جــامد فى اى حاجه تقع مننا ادام الدكتور الضيف
◕◡◕
مشــروع خرســانه
ليه مادتين اختيارى مهمين لمشروع فى سنه رابعه
بالتالى لازم اخد السنه دى ماده تبع قسم رى وهيدروليكـااواشغال عامه
المشــروع بالكــامل هيبدا من بعد الامتحانات
ليه ميزه انك هتبقى مرتاح طول السنه ولكن عيبه انك هتتضغط اوى اخر شهـر
المحاضره بتاعت المشروع ..كل اسبوع الدكاتره هتدخل تشرح حاجات وهيتطلب عليها شيتات ..كل شيت بـ 10 درجات
المناقشه لمشروع مافيهاش برزنتشين اللوح حتتفتح ادام الدكتور ويناقشك فيها ويسالك عليها زى تسليم الخرسانه كـده بالظبط
والمــشروع بيبقى شبه الشيتات اللى بنقدمهــا فى كل المحاضرات
وانت بردوا مطالب انك تعمل مشروعك كامل ..ايا كان درست الحاجت اللى انت هتعملها دى ولا لاواى سؤال يقف ادامك بترجع للدكاتره بتاعتك ومسموح ليك باى وسائل للمعرفه ماعدا ان حد يعملك المشروع طـبعا
شغل المشروع مش مدمـر انت لو اشتغلت 5 ايام فى الاسبوع ..هيبقى تمام اوى
الشغل فى المشروع فردى كل واحد مع نفسه لكن المتابعه هتكـون فى مجموعات حوالى 8 فى كل جروب
خد بالك! مش هتــقدر تستخـدم ..الساب غير فى يونت واحـده بس
اللوح اللى هتتسلم فى المتابعات كلها هتبقى مرسومه على ورق شفاف يعنى هترسمها بايدك واللى عنده مشكله فى الرسم بايده .. مش هاينفع فى المشروع ده و الفاينل لوحه بس اللى هتتقدم كاد ودى هتتقدم قبل المناقشه بيوم وحـد
اللى هيناقشك دكتور .. ممكن جدا يكون من بره الكليه
ولازم انت تظهرله كل المهارات اللى عندك فى العرض و المناقشه
◕◡◕
مشروع الهندسة الصحية
يتعلق بما له علاقة باعمال الصرف واعمال المياه داخل المبنى ، وتصميم هذه الاعمال يكون المهندس على دراية بها ، زى تصميم بيارات الصرف الصحى ، واعمال التوصيلات ، واعمال شبكات المياه وشبكات الصرف الصحى ، وتنقية المياه داخل المحطات .
المشروع بتشتغله فى مجموعات .
المشروع بيكون فىه لوح رسم اوتواكد لمخططات المحطة واعمال التنفيذ فيها .
تقوم فى المشروع بتصميم منشآت الصرف الصحى وتخطيط المحطات الصحية .
مكونات مشروع هندسة صحية لمحطة صرف صحى ...كالتالى :-
--------------------------
المأخذ :
هو عبارة عن منشأ يوضع فى مصدر المياه السطحية سواء ( نهر * بحيرة *
ترعة ) حتى يتم سحب المياه من مصدرها بطريقة سليمة .
وهناك أنواع مختلفة للمأخذ منها :
1-مأخذ ماسورة PIPE INTANK
2-مأخذ شاطئ SHORE INTANK
3-مأخذ عميق ( غاطس ) SUBMERGED INTANk
4-مأخذ عائم ( مؤقت )
يتوقف اختيار المأخذ المناسب علي عدة عوامل منها :
1- مصدر المياه المستعمل
2- معدل التغير فى منسوب المياه
3- احتمالات تلوث المصدر المائى
4- احتياجات الملاحة
5- عمق المياه وطبيعة القاع بالمصدر المائى
وهناك شروط يجب أن تتوافر فى جميع المأخذ هى :
1-أ ن تكون سعته كافية لإمداد المدينة لمدة طويلة مستقبلاً
2- أن يكون بعيداً عن أى مصدر من مصادر التلوث
3-يجب أن يكون المأخذ بعيداً عن الجمهور تجنباً للتلوث والمسافة الممنوعة من اقتراب الجمهور
تصميم أحواض المزج
----------------------
الغرض منه :
• خلط المياه العكرة بالمواد المروبة .
أنواع أحواض المزج :
1- أحواض مزج ميكانيكى .
2- أحواض مزج طبيعية .
أسس التصميم :
• مدة المكث ( 0.5 : 1 ) دقيقة ميكانيكى .
• مدة المكث ( 3 : 5 ) دقيقة طبيعى .
• عمق المياه ( 1 : 2 ) م .
• سرعة القلاب من ( 150 : 200 ) لفه/دقيقه .
• قدرة محرك الخلاط = ( 2 : 5 ) كيلو وات .
تصميم أحواض الترويق بالترويب
--------------------------
الغرض منه :
تكوين الندف وترسيبها .
أسس التصميم :
بالنسبة لمنطقة الترويب :
1- مدة المكث من ( 20 : 40 ) دقيقة .
2- عمق المياه من ( 2 : 3 ) متر .
3- السرعة المحيطة للتقليب الميكانيكى تكون فى حدود 0.3 م/ث .
4- سعة حيز الترويب من ( 15 : 25 ) % من السعة الكلية .
بالنسبة لمنطقة الترسيب :
1- لا يزيد قطر الحوض عن 40 متر .
2- مدة المكث من ( 2 : 3 ) ساعة .
3- معدل التحميل السطحى ( 20 : 45 ) م3/م/يوم .
4- معدل التحميل على الهدار من ( 200 : 300 ) م3/م/يوم .
5- لا تزيد السرعة القطرية عن 30 سم /دقيقة .
6- ميل القاع من ( 2 : 4 ) % ويكون اتجاه الميل ناحية حيز تجميع الرواسب فى اتجاه المدخل لسريان المياه .
7- لا تقل قطر ماسورة خروج الرواسي عن 150 مم ويحجب الرواسب بمعدل منتظم.
◕◡◕
Material
يشمل المشروع المواضيع الاتية :-
- ضبط الجودة
- عيوب المنشآت
- الاصلاح والترميم
+
نقطة نحثية من فكر الطالب ، حيث يتناول اى مشكلة فى الطبيعة أيا كانت ويحاول ايجاد الحلول الموضوعية لها .
وهناك موضوع اختيارى يختاره الطالب ومن هذه المواضيع على سبيل المثال لا الحصر :-
- الشدات البلاستيكية
- أنواع الرخام
-انوةاع الخرسانات
- الشدات المعدنية .... الخ
يشمل المشروع قسم عملى وجزء تعليمى نظرى .
لا يتطلي المشروع أية برامج او قدرات كبيرة ، ولكن يتطلب طالب بيشتغل كويس .
يمتد المشروع من منتصف الترمك التانى ولمدة شهر بعد الاجازة .
لأن بيبقى فى اختبارات خرسانة بعد 7ايام و28 يوم 56 يوم ... واسباب اخرى .د
البرنامج العملى للمشروع مدته شهرين
لما بنطلع بره بنستفيد منه فى اننا بنعرف انواع خرسانات كثيرة من الالف للياء ، وممكن اى مشكلة فىالخرسانة اكون عارف حل لها .
المناقشة مع أحد اساتذة الكلية + وفد من احد الكليات غير كليتك .
هذا الشرح على لسان أ.د/ محمد يسرى الشيخ
أستاذ ضبط الجودة والمنشآت - كلية الهندسة - جامعة المنصورة
◕◡◕ . ◕◡◕ . ◕◡◕
◕◡◕
Civil Eng مدني من ارقي أقسام الهندسة . فالهندسه المدنيه تعني الحضاره عاش الناس الاف السنوات بدون كهرباء و بدون ماكينات و بدون حاسبات و لكنهم قط لم يعيشوا بدون انشاءات و زمان قيست الحضارات بالانشاءات افتخر فأنت مهندس مدنى
1 التعليقات:
أزال المؤلف هذا التعليق.
إرسال تعليق